Sad poem written by a Karachi resident :

Ik Khofzada Jeewan Le Kar,

Mei Moat K Ghar Me Rehta Hu,

Mei Saans Bhi Gin Kar Leta Hu,

Jis Roz Safar Me Rehta Hu,

Jahan Zaat Nasal K Jhgro Pe,

Hathiyar Uthaya Jata Hai,

Har Roz Kayi Masumo Ka,

Jahan Khoon Bahaya Jata Hai,

Jahan Moat Bhi Matam Karti Hai,

Mei Usi Nagar Me Rehta Hu,

Ik Khofzada Jeewan Le Kar,

Mei Moat K Ghar Me Rehta Hu,

Har Roz Kisi Maa Ka Beta,

Be Moat Hi Mara Jata Hai,

Har Roz Kisi Ki Mayyat Ko,

Dharti Me Utara Jata Hai,

Kabhi Mei Bhi Mar Jaonga,

Mei Isi Fikar Me Rehta Hon,

Jis Shehr Ka Naam Karachi Hai,

Mei Usi Shehr Me Rehta Hu.

Parvardigaar Karachi na mumeneen ne sabr ataa karje.


Baaki Rahe Sada Shahe Burhanul Huda, Aur Saaye Me Unke Shahe Mufaddal Mola, Aur Saaye me Dono ke ye Daawat Ka Gulsitaa.